Hamaika ikAsteko jaio gara...

Hilero antolatuko ditugu ikastaroak, zuek iradokitako ordutegietan, zatozte!!
23 eurotik hasita, 133 euro arterainoko tarifa itzelak dauzkagu!
Horra gure eskaintza! Xehetasun gehiago nahi duena, bertara dadila!

1. Koloreeen erabilera
2. Antzerkia
3. Ikusentzunezko baliabideen erabilpena
4. Entzun 3Diei
5. Eszenografia
6. Irudien makillajea
7. Gidoigintza
8. Bertsolaritza: bat-bateko konfiantza
9. Ipuinak filme
10. Josi irudiak
11. Txotxongiloak


Koloreen erabilera
Koloreek keinuek, hitzek eta irudiek beste esan lezakete, egoki baliatuz gero. Ez dira kasualitatez hautatzen eguraldi euritsu eta ilunak beldurrezko filmetarako eta oskarbiak maitasun eskenetarako. Ez baitira kasualitatez aukeratzen kolore batzuk itxura ausarta eman nahi denean, eta beste batzuk dotorezia eta fintasuna helarazi nahi direnean. Kolore bakoitzak du bere nortasuna, eta koloreok ikertu nahi genituzke zurekin batera, zure ikusentzunezko lanetan, eta lan hauen hedapenean lagungarri izan litekeela badakigulako jakin.

Antzerkia:

Alferrik da egundoko gidoia izatea prestatuta, lokalizazioak ezinhobe atontzea, hedabideen babesa eskuratzea... zuen lanaren protagonistek hori guztia aprobetxatzen asmatzen ez baldin badute. Horregatik deritzogu interesgarri halako ikastaro bat antolatzeari. 3DIn aktore poltsa ere baldin badugu ere, zu zeu ere plazaratzeko egokiera ederra duzu honakoa



Ikusentzunezko baliabideen erabilpena
Artistek sarri esaten dute artista izateko baino ez dutela balio. Sortzeko balio dutela, sortzeko eta kito. Eta ez da gutxi. Horietariko bat bazara, eta sortzen duzun hori moldatzeko eta euskarri fisiko batera itzultzeko irrikaz bazaude, komeni zaizu ikastaro honen berri izatea.

Entzun 3Diei
Irudi batek mila hitzek baino gehiago adieraz lezakeela esango du baten batek, eta ez diogu arrazoia ukatuko. Ez du, ordea, zertan, batak bestea ukatu eta ordezkatu: zergatik ez irudiei soinua eta letra gehitu? Hori bai, irudiei entzuten jakin behar da zer esan nahi duten jakiteko, eta ondoren esan nahi dutena esaten ikasi. Ikasi nahi?

Eszenografia
Aldagaien hurrenkerak ez duela emaitza aldatzen diote, baina ez da hala gertatzen altzariez ari garenean, lekuez ari garenean, formez ari garenean. Salbuespenok labur-labur azaltzeko prestatu dugu ikastaro hau.



Irudien makillajea

Erakusteko balio du makillajeak. Erakusteko, eta ezkutatzeko, ados. Biak behar ditu pertsonak pertsonai bilakatzeko; enfatizatzea eta fintzea. Ikastaro ederra da hau edonorentzat. Batik bat hori, ederra.

Batzuk izateko balio dute, ikusteko besteek, erakusteko askok, beste batzuk zer izan, ikusi eta erakutsi idazteko. Ordea, idazteko ere teknikak behar dira, formulak eta lanabesak. Egizu zure bidea, zure gidoia, guk gidatuta.

Bat-bateko konfiantza
Urrun geratuko zaizue askori bertsolaritza, eta gure xedea ez da zuengana hurbilaraztea. Gure xedea bertsolaritzan baliatzen diren teknikak azaldu eta zuen eskura ipintzea da. Inprobisatzeko gaitasuna fintzea, memoria garatzeko ariketak proposatzea eta lotsa galtzea da erdietsi nahi duguna.


Ipuinak filme
Ipuinak ideiekin irakurtzen dira. Norberaren ideiekin. Ipuinak, irudimenarekin baino, irudimenarentzako egiten dira. Guk irudimenarekin egitea proposatzen dizugu, baina ez irudimenarentzako. Ipuinak filmetara eramatea proposatzen dizugu. Hain berritzaileak ere ez garela esango duzu, Peter Panekin-eta egin izan dela... Baina badaude hainbesteko ospea ez izanagatik irudi bihurtzea merezi duten hitzak.

Josi irudiak
Zure lanak janzteko jantzi nahi? Jostungintza ikastaroa zure neurrikoa da orduan...Guk eramango dugu haria, eta zuk haria ekarri!

Txotxongiloak

Aldi berean zuzendari, aktore, gidari...izan nahi?